Color

कोरिया विशेष

दक्षिण कोरियाको आन्सान सहरमा पहिलोपटक नेपाली पुस्तकालय खोलियो ।

दक्षिण कोरियाको आन्सान सहरमा पहिलोपटक नेपाली पुस्तकालय खोलियो ।
गुरुदत्त न्यौपाने/सउल कोरिया
कोरियामा क्रियाशिल नेपालीहरुको संस्था सनातन, साहित्य, सङ्गीत, साधना समूह ‘‘पाँच स’’द्वारा कोरियन पर्व सलनालको अवसरमा कोरियाको आनसान शहरमा नेपाली पुस्तकालयको उद्घाटन गरिएको छ ।
दक्षिण कोरियाको व्यस्त सहर आनसान स्टेसनबाट नजिकै कोरोना मैत्रीपूर्ण बातावरणमा एक कार्यक्रमका बीच पुस्तकालय उद्घाटन गरिएको छ। दक्षिण कोरियामा व्यावसायिक रुपमा सोल्टी रेस्टुरेन्ट सन्चालन गर्दै आउनुभएका व्यावसायी तथा सामाजिक व्याक्तित्व श्याम खडकाको विशेष पहलमा पाँच ‘स’ दक्षिण कोरियाले कोरियामै पहिलोपटक नेपाली पुस्तकालय खोलिएको संस्थाका अध्यक्ष प्रेमराज अधिकारीले बताउनुभयो । पुस्तकालय उदघाटनमा प्रमुख अतिथि प्रवासी श्रमिक मन्च एमटियु अध्यक्ष उदय राई,विशेष अतिथि सोल्टी होटलका संचालक श्याम खडका,संस्थाका प्रमुख संरक्षक एकराज दाहाल,स्याङ्गजा परिवार दक्षिण कोरियाका सचिव माधव अर्याल,गोरखा परिवार दक्षिण कोरियाका पूर्व अध्यक्ष विष्णु थापा,संस्थाका निवर्तमान उपाध्यक्ष महेश कोईराला लगायत दर्जनौँ दिग्गज व्यक्तित्वहरुको सहभागिता रहेको थियो ।
संस्थाका उपाध्यक्ष गुरुदत्त न्यौपानेले स्वागत मन्तव्यद्वारा सम्पूर्ण अतिथिजनलाई स्वागत गरिएको उक्त कार्यक्रममा प्रमुख अतिथि उदय राईले पुस्तकालय खोल्ने काम विल्कुलै नौलो र राम्रो काम थालनी भएको र आगामी दिनमा पुस्तकालयलाई आफू तथा एमटियुले सक्दो सहयोग गर्ने प्रतिवद्धता व्यक्त गर्नुभएको थियो । कार्यक्रममा बोल्दै सस्थाका सल्लाहकार तथा सोल्टी होटलका संन्चालक श्याम खडकाले पुस्तकालय कोरियामा आफूले पहिलेदेखि नै खोल्न इच्छुक रहेको र पाँच स ले यस्तो अवधारणा लगेपछि झन उत्साहित भएर आफू लागिपरेको बताउनुभयो । पुस्तकालयको महत्व र भावी योजनाका विषयमा प्रकाश पार्दै उहाँले आफू आनसानमा हुँदासम्म पुस्तकालय बन्द हुन नदिने प्रतिबद्दता व्यक्त गर्नुभएको थियो। कार्यक्रममा पुस्तकालयको भावी योजना र यसलाई कसरी अगाडि लैजान सकिन्छ भन्ने विषयमा संस्थाको कोषाध्यक्ष नरेश मेहताज्यूले प्रकाश पार्नुभएको थियो । उहाँले अहिले सुरुवाती चरणमा कोरियामा भएका नेपालीहरुबाट पुस्तक सङ्कलन गरिए तापनि आगामी दिनमा नेपालबाट समेत पुस्तक ल्याई पुस्तकालयलाई कोरियाभरि विस्तार गर्ने तथा लाईव्रेरी कार्डको व्यवस्था गरी उपलब्ध पुस्तक नेपालीहरुमाझ पुर्याउन समेत अनलाईन अफलाईन मार्फत व्यवस्था गरिने जानकारी दिनुभयो ।
साथै कार्यक्रममा पाँच स का प्रमुख संरक्षक एकराज दाहाल,निवर्तमान उपाध्यक्ष महेश कोईरालाले पुस्तक र पुस्तकालयको महत्वको विषयमा प्रकाश पार्नुभएको थियो । पाँच स दक्षिण कोरियाको विगत देखिको यात्राका विषयमा प्रकास पार्दै सस्थाका अध्यक्ष प्रेमराज अधिकारीले आगामी दिनमा थप राम्रा काम हरु गर्ने प्रतिबद्दता व्यक्त गर्दै कार्यक्रमको अन्त्य गर्नुभएको थियो भने कार्यक्रम सन्चालन संस्थाका महासचिव श्याम अर्यालले गर्नुभएको थियो ।
प्रतिक्रिया दिनुहोस