Color

खेलकुद

स्याङ्जा परिवार दक्षिण कोरिया थेगु शाखाले “प्रथम भलिबल कप २०२०” को आयोजना गर्ने ।

स्याङ्जा परिवार दक्षिण कोरिया थेगु शाखाले “प्रथम भलिबल कप २०२०” को आयोजना गर्ने ।

बोम्जन गुरुङ,

सउल कोरिया ।

“स्वस्थ जीवनका लागि खेल’ भन्ने मूल उद्घोषसँगै नेपाली मौलिक चाडहरुको शुरुवात र आगमनको खुशियालीमा कोरिया स्थित स्याङ्जा परिवार थेगु शाखाले “प्रथम भलिबल कप २०२०” को आयोजना गर्ने भएको छ ।

पछिल्लो समयमा दक्षिण कोरियाको कोभिड -१९ कोरोनाको सन्त्रास र स्थिति केही सहज देखिएकोले यही आउँदो अगष्ट ३० तारिक आईतबारका दिन थेगु शहर नजिकै कुजीको भलिबल खेल मैदानमा सो भलिबल प्रतियोगिता आयोजना गरिने भएको हो ।

नेपाली समुदाय तथा साथीभाइको सौहार्दपूर्ण भेटघाटको अपेक्षा सहित सो मैत्रीपूर्ण भलिबल प्रतियोगिता रुपमा आयोजना गरिएको खेल संयोजक श्री डिलेन्द्र मगरले बताए । प्रतियोगिता संयोजक तथा संस्थाका बरिष्ठ सल्लाहकार बीरेन्द्र नौभाग्यले अहिले कोरोनाको प्रभाव अझै कायमै रहेकोले संयमित हुनुपर्ने आवश्यकता औंल्याउँदै यस कार्यक्रमलाई सकारात्मक रुपमा लिन सम्बधित सबैमा आग्रह गरे । स्थानीय प्रहरी प्रशासन तथा स्थानीय कुजी नगरपालिका दुवैको अनुमति प्राप्त बमोजिम सुरक्षित तरिकाले प्रतियोगिता सञ्चालन गर्न लागिएको संस्थाका बरिष्ठ उपाध्यक्ष मित्र मगरले थपे ।

“प्रथम भलिबल कप २०२०” प्रतियोगिताको विजेता र उप-विजेता टीमलाई आकर्षक नगद पुरस्कार सहित कप, मेडल र प्रमाण-पत्र प्रदान गरिने संस्थाका अध्यक्ष विष्णु वाग्लेले बताए । यही २३ अगष्ट २०२० मा थेगु स्थित कुजी खेलमैदानमा खेलतालिका (टाईसिट) सार्वजनिक गरिने संस्थाका प्रमुख सल्लाहकार रमेश मश्राङ्गी राना मगरले जानकारी दिदै सम्बन्धित टीमका टीम क्याप्टेन वा प्रतिनिधि लाई अनिवार्य उपस्थितिको लागि आग्रह गरेका छन् ।

यस “प्रथम भलिबल कप २०२०” प्रतिष्पर्धात्मक भलिबल प्रतियोगिता सफल बनाउन आर्थिक, नैतिक सबै खाले सहयोग गर्नुहुन विशेषत: थेगु आसपासमा रहेका शेल्टरहरु, संघ-संस्थाहरु एवं निकट हितैषी संस्थाहरु, परोपकार समाज कुजी लगायत कोरियावासी सम्पूर्ण खेलप्रेमी महानुभावहरुलाई स्याङ्जा परिवार थेगु शाखाले हार्दिक अनुरोध गरेको छ ।

खेल सम्बन्धि विविध सोधपुछ र जानकारीका लागी सम्पर्क :

रमेश मश्राङ्गी राना मगर : 01064058789

बीरेन्द्र नौभाग्य             : 01050192246

विष्णु वाग्ले                  : 01068264730

डिलेन्द्र मगर               : 01077588505

मित्र मगर                   : 01058323708

प्रतिक्रिया दिनुहोस