वालिङको आम्बोट स्थितको महाकाली मन्दिरलाई कोरियाबाट झण्डै डेढ लाख सहयोग ।

जिवन अर्याल

१३ जेठ २०७६, दक्षिण कोरिया ।

वालिङ नगरपालिका स्थित वडा. नं. १० आम्बोट (मौरिहा) मा अवस्थित महाकाली मन्दिर पुनर्निर्माणका लागि दक्षिण कोरियामा रहेका त्यस गाउँ निकट युवाहरुले रु. १ लाख ४४ हजार आर्थिक संकलन गरी मन्दिर पुनर्निमाण समितिलाई हस्तान्तरण गरेका छन् ।

सत्यता, सत्कर्म अनि ईमान्दारीतालाई आत्मसाथ गरी दिब्यरुपी समुज्वल एवं सृजनशील समाज निर्माणमा सबैको सद्भाव, सहकार्यलाई शिरोधार्यका साथ महत्वपूर्ण अभियानमा जुट्दै यस पुण्यरुपी विशेष धार्मिक अभियानमा रकम संकलन भएको मन्दिर पुनर्निर्माणका संयोजक ओमप्रकाश गैह्रेले जानकारी दिनुभयो ।

मनभित्र घरदेश बोकी बाध्यात्मक परिस्थितिले परदेशीएका सहयोगी भावनाले ओतप्रोत युवाहरुबाट पाठखोला निवाशी जेष्ठ नागरिक श्री चक्रपाणी गैह्रेज्युको हातबाट मन्दिर पुनर्निर्माण समितिका अध्यक्ष श्री कमल गैह्रे, कोषाध्यक्ष श्री ढाकाराम अर्याल लगायत अन्य सक्रिय समाजसेवीहरुको संयुक्त रहोवरमा उक्त संकलित रकम हस्तान्तरण गरिएको हो । सुन्दर भविष्य र सपनाका साथ कर्म गरिरहेका संगठित युवाहरुको सहयोगप्रति आभार व्यक्त गर्दै पारदर्शीताका साथ सदुयोग गर्ने प्रतिबद्धता अध्यक्ष श्री कमल गैह्रेले बताउनुभयो । मन्दिर निर्माण समापन भएलगत्तै सहयोगीदाताहरुको नाम मन्दिर परिसरमा रहने गरी विशेष अभिलेख राखिने कुरा कोषाध्यक्ष श्री ढाकाराम अर्यालले थप्नुभएको छ ।