Color

Uncategorized

स्याङ्जा परिवार किम्हे बुसान शाखाले आउँदो अक्टोबर २० मा चलचित्र “कबड्डी ३” कोरियामा प्रदर्शन गर्ने ।

स्याङ्जा परिवार किम्हे बुसान शाखाले आउँदो अक्टोबर २० मा चलचित्र “कबड्डी ३” कोरियामा प्रदर्शन गर्ने ।


बोम्जन गुरुङ, दक्षिण कोरिया ।
स्याङ्जा परिवार किम्हे बुसान शाखाले आउँदो अक्टोबर २० मा यस वर्षको बहुप्रतिक्षित नेपाली चलचित्र “कबड्डी ३” किम्हे शहरको 김해 문황원 हलमा (किम्हे बस टर्मिनल नजिकै) प्रदर्शन गर्ने भएको छ ।


संस्थाको आपतकालीन राहतकोष निर्माण सहयोगार्थको मुख्य उद्वेश्य सहित सो चलचित्र प्रदर्शन गर्न लागिएको स्याङ्जा परिवार किम्हे बुसान शाखा अध्यक्ष कमल अर्यालले जानकारी दिए । शाखाका वरिष्ठ सल्लाहकार राजकुमार आले थप्छन्-पोखरा, मुस्ताङ र अन्नपूर्ण आधार शिविर वरपर छायांकन गरिएको नेपाली सिनेमा क्षेत्रमा दर्शकहरुले निकै रुचाएको ब्राण्ड नै बनेको सिरिज हो ‘कबड्डी’, यो तेश्रो सिक्वेल हो जसले पूर्ण मनोरन्जन दिने र कोरियामा यसले ब्यापक सफलता प्राप्त गर्नेमा विश्वस्त छौं ।”


यस संस्थाले विविध क्षेत्रमा विशुद्ध सामाजिक सेवा गर्दै आइरहेको परिप्रेक्ष्यमा प्रदर्शन गर्न लागिएको बहुप्रतिक्षित नेपाली कथानक चलचित्र “कबड्डी-३” हेरेर मनोरन्जन सँगै पुण्य कमाउनुहुन दक्षिण कोरिया स्थित विभिन्न संघ-संस्थाहरु, विविध पेशा, व्यवसायमा आबद्व तथा ईपिएस मार्फत विभिन्न कार्यमा संलग्न नेपाली दाजुभाई, दिदीबहिनी, विधार्थी, पत्रकार तथा बुद्धिजीवी लगायत सम्पूर्ण महानुभावहरुमा स्याङ्जा परिवार किम्हे बुसान शाखा दक्षिण कोरियाले हार्दिक अनुरोध गरेको छ । साथै अन्य विविध जानकारीका लागी उल्लेखित पोष्टर हेर्नुहुन र उक्त दिन कुनै पनि कार्यक्रम नजुधाईदिनु हुन पनि संस्थाले अपिल गरेको छ ।

प्रतिक्रिया दिनुहोस